PARADISEC
Australia i stap namel long planti kain kain tok ples na kalsa long Pasifik. I gat moa long 2000 tok ples long Australia, Pasifik, na PNG. Long PNG yet i gat 900 tok ples samting. Tasol nogut planti long ol dispela tok ples bai lus long 100 yia bihain samting. Long PARADISEC mipela no gat tru rikoding long ol dispela tokples. Na tu ol rikoding mipela i gat i no karimapim olgeta samting long wanpela tok ples. Olsem na, no gat rikoding long olgeta stori, olgeta save long wokim kain kain samting, o olgeta singsing.)
PARADISEC (Pacific And Regional Archive for Digital Sources in Endangered Cultures) em i wanpela oganisesen i save lukautim ol rikoding na pepa long ol dispela tok ples long Pasifik. Mipela i kirapim wanpela ples olsem laibri bilong lukautim ol dispela samting. Na tu mipela traim long givim kopi i go long ol manmeri i stap long rikoding o long ol pikinini o tumbuna bilong ol. Mipela i wok pinis wantaim Kalsa Senta bilong Vanuatu, yuni blong Niu Kaledonia, museum bilong Solomon Ailan, Institut bilong Papua New Guinea Stadis, na sampela manmeri bilong Rapa Nui (Ista Ailan).

Mipela i painim olpela rikoding long tep na dijitaisim ol pinis, olsem na ol bai stap gut long bihain taim. Planti ol dispela tep em long 1950s na 1960s.

Sampela ol dispela rikoding i stap long tep o kaset, tasol nau ol tep i bagarap pinis na mipela no inap harim nau. Bikwin, guria, o tsunami i ken bagarapim ol tep olsem na ol stori i stap long ol bai lus olgeta. Olgeta rikoding bilong mipela i gat toksave i tok klia long ol wanem manmeri i ken mekim wanem samting long ol dispela rikoding. Sampela rikoding em olgeta manmeri i ken harim na yusim, tasol sampela arapela i gat tambu na yu mas kisim tok orait long mipela bipo yu ken harim.

Bilong painimaut wanem ol samting i stap long PARADISEC, yu ken sekim: http://catalog.paradisec.org.au.

Kopirait em i rot bilong lukautim ol rait bilong ol manmeri i bin wokim ol rikoding. Mipela laik lukautim rait bilong ol manmeri i kamap long rikoding tu. Mipela i yusim Creative Commons bilong givim tok orait long ol narapela manmeri i laik yusim dispela rikoding.

As wok bilong PARADISEC em long sapotim ol kalsa na tok ples i stap pinis long koleksen bilong mipela, na long painim ol arapela rikoding na dijitaisim ol na putim long laibri tu. Sapos yu laik, yu ken harim ol dispela rikoding long mobail bilong yu.

Ol manmeri long tripela yuni i lukautim dispela wok bilong PARADISEC: University of Sydney, University of Melbourne, na Australian National University.

Olgeta manmeri i holim ol olpela rikoding olsem, mipela askim yupela long toktok wantaim mipela. Mipela ken painim rot long dijitaisim ol dispela rikoding na putim insait long laibri we ol i ken stap olgeta.
Sapos yu laik painimaut moa, plis askim:
Nick Thieberger
Nicholas.thieberger@paradisec.org.au

Amanda Harris
admin@paradisec.org.au
tel +61 2 9351 1279

PARADISEC i kisim sapot long Australian Research Council, University of Sydney, University of Melbourne, na Australian National University.

Paradisec_Tok_Pisin.pdf